Consultas Preliminares ao Mercado abertas
Avance da futura convocatoria de axudas para o desenvolvemento de novos produtos e servizos para a industria baseados en sistemas non tripulados e en intelixencia artificial
As entidades interesadas poden facer chegar as súas opinións e observacións ao seguinte correo electrónico: civil-uavs-initiative@xunta.gal, sinalando no asunto Información previa: Compra Privada Innovación.
O prazo para a remisión de opinións e observacións está aberto ata o 15 de decembro ás 23.59 horas.
Consulta a información en RESUMO BASES.
Consultas Preliminares ao Mercado e Solicitude de información pechadas
Consulta Preliminar ao Mercado para a resolución de novos retos nos servicios públicos da Xunta de Galicia mediante o uso de vehículos non tripulados
A Xunta de Galicia, a través da Axencia Galega de Innovación, abre unha nova Consulta Preliminar ao Mercado para seguir incorporando as vantaxes das tecnoloxías de sistemas e vehículos non tripulados nos servizos públicos galegos. Este proceso de consultas realízase para identificar novos proxectos que poidan ser financiados a través da liña FID do Ministerio de Ciencia e Innovación, no marco do Programa Operativo Plurirrexional FEDER 21-27.
A presente convocatoria é aberta e está dirixida a personas físicas ou xurídicas, públicas e/ou privadas, de maneira individual ou en unión temporal, e ten como prazo máximo para a presentación de propostas o próximo 17 DE NOVEMBRO DE 2023.
Os 5 retos aos que se propón dar resposta son:
- Reto 1: Terras produtivas e Protección da paisaxe: recuperación de terras agrícolas e protección de áreas de especial interese paisaxístico mediante o uso de UAVs.
- Reto 2: Parque Natural Illas Atlánticas: vixilancia, salvamento, rescate, monitorización ambiental, investigación oceanográfica e control da contaminación no Parque Natural das Illas Atlánticas mediante o uso de UAVs.
- Reto 3: Repoboación e Patrimonio natural: repoboación de terreos con UAVs e integración de información sobre o Patrimonio Natural proporcionada por UAVs e por outras plataformas de maior alcance (satélites e HAPS).
- Reto 4: Estradas seguras: control de fauna e vexetación, estimación de demanda de tráfico, inspección, mantemento e conservación.
- Reto 5: Sociedade segura: mellora da seguridade mediante o uso de UAVs: información e análise forense, protección e escolta.
Consulta a información da nova Consulta Preliminar ao Mercado DESCARGAR
Anexo I: Formulario de solicitude DESCARGAR
Informe sobre os resultados da Consulta Previa ao Mercado DESCARGAR
INFORMACIÓN ADICIONAL
Vídeo da xornada de presentación da Consulta Preliminar ao Mercado (Ver)
Presentación retos CPM: AXENCIA GALEGA DE INNOVACIÓN (Descargar)
INSTITUTO DE ESTUDOS DO TERRITORIO – Reto 1 (Descargar)
AXENCIA GALEGA DE DESENVOLVEMENTO RURAL – Reto 1 (Descargar)
PARQUE NACIONAL ILLAS ATLÁNTICAS DE GALICIA – Reto 2 (Descargar)
AXENCIA GALEGA DE INFRAESTRUTURAS – Reto 4 (Descargar)
INSTITUTO MEDICINA LEGAL DE GALICIA – Reto 5 (Descargar)
POLICÍA NACIONAL – Reto 5 (Descargar)
Contorno de simulación U-Space no CIAR de Rozas.
O Centro para o Desenvolvemento Tecnolóxico e Industrial (CDTI) e a Xunta de Galicia, a través da Axencia Galega de Innovación, promoven unha Consulta Preliminar ao Mercado que ten por obxecto obter información dos axentes económicos sobre o grao de desenvolvemento da tecnoloxía para a creación dun contorno de simulación U-Space no Centro de Investigación Aerotransportada de Rozas (CIAR).
Definición do novo período de programación da Civil UAVs Initiative 2021-2025
A Xunta de Galicia abordará entre 2021 e 2025 un novo período de programación da Civil UAVs Initiative, reafirmando o seu compromiso —tras a pandemia producida pola COVID-19— coa consolidación dunha industria de alta tecnoloxía que achega a Galicia unha maior resiliencia ás crises, crecemento económico e cohesión social.
O futuro investimento público-privado previsto terá como obxectivo continuar co impulso do sector aeroespacial en Galicia e, en concreto, apoiar a I+D+i especializada en vehículos non tripulados e na procura de solucións que melloren a prestación, eficacia e eficiencia dos servizos públicos.
RFI Consultas al Mercado 2021-2025 ES
RFI Consultas ao Mercado 2021-2025 GAL
RFI Preliminary Market Consultations 2021-2025 EN
Anexo 1_ El aeródromo de Rozas ES
Anexo 1_ O aeródromo de Rozas GAL
Anexo 2_ Parque Industrial y Tecnológico de Rozas ES
Anexo 2_ Parque Industrial e Tecnolóxico de Rozas GAL
Annex 2_Rozas Industrial and Technology Park EN
Anexo 3_ Proyectos financiados en el periodo 2015-2020 ES
Programa de I+D
A licitación de Compra Pública Precomercial sobre a que se desenvolveu o programa de I+D da Civil UAVs Initiative, estivo precedida dunha Solicitude de información (Request For Information) na que se pedían mostras de interese e que obtivo resposta dos grandes líderes do mercado internacional (un total de nove) o que supuxo un grande empuxón para o lanzamento da iniciativa.
Programa de Solucións
Durante o proceso de deseño das licitacións do programa de Solucións, que se desenvolveu a través de procedementos de Compra Pública de Tecnoloxía Innovadora (CPTI), a Xunta de Galicia mantivo aberto un proceso de Consultas Preliminares ao Mercado dende xullo de 2015 ata xaneiro de 2017, no que se recibiron en total 214 expresións de interese de distintas empresas e organizacións.
